Kynningarfundur vegna kjarasamnings skipstjórnarmanna og vélstjóra á bátum fyrirtækja í ferðaþjónustu

FS. Félag skipstjórnarmanna og VM-Félag vélstjóra og málmtæknimanna stóðu að sameiginlegum kynningarfundi vegna nýs kjarasamning skipstjórnarmanna og vélstjóra á bátum fyrirtækja í ferðaþjónustu í gær, miðvikudaginn 27. júní 2018, en skrifað var undir samning við samtök atvinnulífsins vegna þessara starfa fimmtudaginn 21. júní 2018.
Góð mæting var á fundinn og urðu miklar umræður um samninginn. Allir voru sammála um að jákvætt skref hafi verið stigið með því að fá loksins kjarasamning um þessi störf. Starfsmenn félaganna sem komu að gerð samningsins og formenn félaganna voru spurðir spjörunum úr um innihald samningsins. Það er ávallt gott að eiga uppbyggilegt samtal við félagsmenn og ekki er hægt að segja annað en að fundurinn í gær hafi verið upplýsandi fyrir alla aðila.