Í gær 24. ágúst fór fram árlegt golfmót FS, á Hvaleyrarvelli hjá Golfklúbbnum Keili í Hafnarfirði.
Golfkapteinn ársins 2026 er Roland Víkingur Buchholz fyrrverandi hafnsögumaður í Hafnarfirði.
Þátttaka í mótinu var góð, alls 44 félagsmenn og gestir. Við fengum flestar tegundir af Íslensku síðsumarsverðri, hægviðri í byrjun með rigningarúða, en lengst af rigning og um tíma hellirigning og kaldaskítur. Flestir spiluðu 18 holur, en einhverjir létu færri holur duga, fóru inn í skála og áttu gott spjall. Allir voru glaðir, kátir og brosandi, en hund rennandi blautir í gegn.
Úrslit í flokki félagsmanna:
1 sæti. Roland Víkingur Buchholz 34 punktar.
2 sæti. Garðar Guðmundsson 31 punktur (betri seinni níu).
3 sæti. Jón Ingi Jóhannesson 31 punktur.
Úrslit í flokki gesta:
1 sæti. Finnbogi Aðalsteinsson 32 punktar.
2 sæti. Arnfríður Grétarsdóttir 30 punktar.
3 sæti. Viktor Jónsson 25 punktar.
Næstur holu:
Á holu númer 6, Brynjar Unnarsson 1,84 metrar.
Á holu númer 12, Jón Ingi Jóhannesson 3,41 metrar.
Á holu númer 17, Finnbogi Aðalsteinsson 4,56 metrar.
Við óskum vinningshöfum til hamingju, þökkum góða þáttöku og skemmtilega samveru.
